 |
| منقبت حضور تاج الشریعہ علیہ الرحمہ 2020 |
میرے پیرو مرشد حضور تاج الشریعہ علیہ الرحمہ کے عرس مقدس کے موقع سے لکھا گیا محب محترم تاج الشعراء علامہ سلمان رضا فریدی صاحب قبلہ کا بہترین کلام... اعلی حضرت امام احمد رضا خان بریلوی علیہ الرحمہ کی لکھی ہوئی مشہور نعت پاک "(واہ کیا جود و کرم ہے شہ بطحا تیرا)" اسی طرز پر ردیف و قافیہ کی مماثلت کے ساتھ... ♥️💚💖🌺🥀🥀🌹🌹🌹🌹💮🌸🌸🌼🌼🌼🌼🌼🌼🌼🌼🌼🌼🌼🌼
منقبت حضور تاج الشریعہ علیہ الرحمہ
خصوصی کلام، براے عرس پاک 28 جون 2020
=======
واہ کیا رنگ ہے اے ازہری دولھا تیرا
نوری پوشاک ہے ، رضوی ہے عمامہ تیرا
چاند تاروں کی ہے بارات ، رَچی ہے شادی
حامدی پھول ہیں ، جیلانی ہے سہرا تیرا
تیری ہستی ہے کمالاتِ رضا کی مَظہر
تاج والوں میں شہا تاج ہے اونچا تیرا
ہٗو بہٗو مفتی اعظم کی جھلک ہے تجھ میں
استقامت کی بلندی پہ ہے تقوٰی تیرا
عشق والوں کا حرم ہے ترے اَجداد کا در
قبلۂ اہلِ محبت ہے گھرانہ تیرا
ہے وہی شانِ قیادت ترے خوں کے اندر
تیرے قرباں کہ مُجَدِد ہوا بابا تیرا
اہل حق کہنے لگے ، تاج شریعت تجھکو
جوہرِ علم و عمل سب نے جو دیکھا تیرا
تجھ میں وہ نور ہے اے اخترِ بُرجِ رفعت
موت کے بعد بھی روشن ہے ستارہ تیرا
آج بھی اہل نظر دیکھ رہے ہیں تجھ کو
عشق والوں پہ شہا، ہاتھ ہے رکھا تیرا
تیرا پیغام عمل ، مسلکِ اعلیٰ حضرت
دولتِ عشق رسالت ہے اَثاثہ تیرا
ایسے روشن ہیں زمانے میں ترے نقشِ قدم
چھو نہ پائیں گے اندھیرے کبھی رستہ تیرا
بٹ رہا ہے تری چوکھٹ سے نبی کا فیضان
کم نہ ہوگا کبھی تاحشر خزانہ تیرا
تیرے ہاتھوں میں دیا ہاتھ تو فضلِ رب سے
ساتھ جنت میں بھی ہم سب کو ملے گا تیرا
اپنی قسمت پہ سدا ناز کریں گے وہ لوگ
دیکھا ہے جن کی نگاہوں نے بھی چہرہ تیرا
چاند کے در پہ ستاروں کی ہے جیسی کثرت
یوں ترے چاہنے والوں میں ہے روضہ تیرا
اے ولی ابنِ ولی تیرے تقدُّس کی قسم
دہر میں جوہرِ کردار ہے یکتا تیرا
تیری تحریر سے گھائل ہیں نبی کے دشمن
تیز ہے خنجر و شمشیر سے خامہ تیرا
کیوں نہ قرباں ہوں دل و جان سے ہم سب اِن پر
شاہ عسجد میں نظر آتا ہے جلوہ تیرا
حشر تک تجھ پہ خدا ابرِ عطا برسائے
پھیلتا جائے زمانے میں اجالا تیرا
تیری آغوشِ کرم میں ہے فریدی کی حیات
ہر مصیبت سے بچاتا ہے سہارا تیرا
تیری نسبت سے فریدی پہ بھی ہے فضل و کرم
رب کا ، سرکار کا اور غوث و رضا کا ، تیرا
=======
از فریدی صدیقی مصباحی مسقط عمان
+96899633908
@Barelvi_Network
Islamic Article/ Mazmoon" Islamic Lyrical Songs" Islamic Poetry/ Naat Sharif " Islamic News" Barelvi Article/ Mazmoon" Barelvi News" Mazmoon" News" Ghazal"
Thanks شکریہ
Mahil Razvi Markazi ConversionConversion EmoticonEmoticon